គណៈប្រតិភូគណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារបណ្តុះបណ្តាលវិជ្ជាជីវៈ និងកិច្ចការនារី នៃព្រឹទ្ធសភា (គណៈកម្មការទី៨) ដឹកនាំដោយលោកជំទាវ មាន សំអាន ប្រធានគណៈកម្មការទី៨ព្រឹទ្ធសភា បានអញ្ជើញជួបសំណេះសំណាល ព្រមទាំងនាំយកអំណោយ និងថវិកាមួយចំនួនចែកជូនមនុស្សចាស់ជរា នៅមណ្ឌលថែរទាំមនុស្សចាស់ជរា ខេត្តព្រៃវែង នារសៀលថ្ងៃអង្គារ ទី២៣ ខែកក្កដាឆ្នាំ២០២៤។ បន្ទាប់មក គណៈប្រតិភូក៏បាននាំយកទៀនចំណាំព្រះវស្សា ទេយ្យទាន ទេយ្យវត្ថុ ព្រមទាំងបច្ច័យ ទៅវេរប្រគេនព្រះសង្ឃគង់ចាំព្រះវស្សា នៅ វត្តសឹម្ពលីព្រឹក្សារការជួរ ដើម្បីឧទ្ទិសកុសលផលបុណ្យជូនដល់មាតា បិតា ញាតកាទាំង៧សន្តាន និងបុព្វការីជនដែលបានពលីជីវិតបម្រើជាតិមាតុភូមិ សូមដួងវិញ្ញាណក្ខន្ធរបស់លោកអ្នកមានគុណទាំងនោះ បានអញ្ជើញទៅកាន់សុគតិភព កុំបីឃ្លៀងឃ្លាតឡើយ…។
ប្រភព៖ នាយកដ្ឋានព័ត៌មាន
